ბელარუსი პრეზიდენტობის ერთ-ერთი კანდიდატი სვეტლანა ციხანოვსკაია ამ მომენტისთვის უსაფრთხოდ არის. მან ქვეყანა დატოვა და ლიეტუვაში იმყოფება. განცხადება ამის შესახებ ლიეტუვის საგარეო საქმეთა მინისტრმა ლინას ლინკევიჩუსმა გააკეთა.
Svetlana #Tikhanovskaya is safe. She is in #Lithuania. pic.twitter.com/6f9U2meoX0
— Linas Linkevicius (@LinkeviciusL) August 11, 2020
ოპოზიციონერი ბლოგერის, დაპატიმრებული სერგეი ციხანოვსკის მეუღლე არჩევნებში მოქმედი პრეზიდენტის ალექსანდრ ლუკაშენკოს მთავარი მოწინააღმდეგე იყო. მან ხმათა 10,09% დააგროვა. ციხანოვსკაიას შტაბში აცხადებენ, რომ არ აღიარებენ ცენტრალური საარჩევნო შტაბის შედეგებს, მათი მონაცემებით ოპოზიციონერმა კანდიდატმა რეალურად ხმათა 70-80% დააგროვა.
არჩევნების დასრულებისა და წინასწარი შედეგების გამოცხადების შემდეგ, სადაც ლუკაშენკო ხმათა 80%-ით უპირობო გამარჯვებულად გამოცხადდა, მთელი ბელარუსის მასშტაბით საპროტესტო აქციები დაიწყო. ოპოზიცია აცხადებს, რომ არჩევნების შედეგები გაყალბებულია და ამას არ შეეგუება.
მედეა ცხოვრებაძე
ავტორი