ჟურნალმა Time-მა „წლის ადამიანის“ პრეტენდენტების სია წარმოადგინა. გამარჯვებულის ვინაობა ხვალ გახდება ცნობილი.
Time-ის შორთ-ლისთში Facebook-ის დამფუძნებელი მარკ ცუკერბერგი, შვედი ეკოაქტივისტი გრეტა ტუნბერგი, ნიუ-იორკი ყოფილი მერი რუდოლფ ჯულიანი, ახალი ზელანდიის პრემიერ-მინისტრი ჯასინდა არდენი, აშშ-ის ნაკრების ფეხბურთელი ქალი მეგან რაპინო, აშშ-ის დემოკრატი სენატორი ნენსი პელოსი, ჩინეთის კომპარტიის გენერალური მდივანი სი ძინპინი და აშშ-ის პრეზიდენტი დონალდ ტრამპი. სიაში ასევე არიან ჰონგ-კონგის საპროტესტო აქციების მონაწილეები და აშშ-ის ცენტრალური სადაზვერვო სააგენტოს ანონიმური ინფორმატორი, რომელმაც ტრამპისა და ზელენსკის სატელეფონო საუბრის შესახებ ინფორმაცია გაახმაურა, რასაც აშშ-ის პრეზიდენტის იმპიჩმენტის საკითხის დაწყება მოჰყვა.
ჟურნალი უკვე 92 წელია "წლის ადამიანებს" ავლენს.
2018 წლის ადამიანად Time-მა სიმართლისთვის მებრძოლი ჟურნალისტი საუდის არაბეთიდან ჯამალ ჰაშოგი დაასახელა. ჰაშოგი, 2018 წლის შემოდგომაზე, სტამბულში მოკლეს.
