კორონავირუსის საწინააღმდეგო პირველი ვაქცინა ევროკავშირის ქვეყნების მოქალაქეებისთვის ხელმისაწვდომი 2021 წლის მარტში იქნება. ამის შესახებ ინფორმაციას ბელგიის ჯანდაცვის მინისტრი ავრცელებს.
"პირველი ვაქცინა კომპანია Sanofi-სგან ბელგიასა და ევროკავშირის სხვა ქვეყნებში მარტში გამოჩნდება", -განაცხადა ჯანდაცვის მინისტრმა.
მისი თქმით, ექიმები, ბავშვები და ყველაზე დაუცველი მოქალაქეები ვაქცინას პირველები მიიღებენ.
ასევე ცნობილია, რომ ევროკომისია კორონავირუსის საწინააღმდეგო ვაქცინის შესაძენად მოლაპარაკებებს აწარმოებს რამდენიმე ფარმაცევტულ კომპანიასთან, მათ შორის Sanofi-სთან.
თეკო გიორგაძე
ავტორი