ისრაელის პრეზიდენტმა რეუვენ რივლინმა ქვეყნის მთავრობის ფორმირება პარტია "ეშ ატიდის“ ლიდერს, იაირ ლაპიდს დაავალა. ამ პარტიამ 23 მარტის არჩევნებში მეორე ადგილი დაიკავა.
ლაპიდს ახალი კოალიციის შესაქმნელად 28-დღიანი ვადა აქვს. მთავრობა მან 2 ივნისისთვის უნდა წარმოადგინოს.
ლაპიდმა პირობა დადო, რომ ყველაფერს გააკეთებს იმისთვის, რათა ისრაელს მთავრობა რაც შეიძლება მალე ჰყავდეს.
ისრაელის პრემიერ-მინისტრისა და პარტია "ლიკუდის" ლიდერისთვის, ბენიამინ ნეთანიაჰუსთვის ახალი კოალიციური მთავრობის შესაქმნელად მიცემული 28-დღიანი ვადა 5 მაისს ამოიწურა.
თუ ლაპიდი მომავალი 28 დღის განმავლობაში სამთავრობო კოალიციის შექმნას ვერ შეძლებს, გამოცხადდება ხელახალი არჩევნები, რომელიც ისრაელში მეხუთე გახდება ორნახევარი წლის განმავლობაში.