ინდონეზიაში, გადაუღებელი წვიმის შედეგად, მთლიანად დატბორილია დედაქალაქი ჯაკარტა, რომელიც 10 მილიონი მოსახლით, ქვეყნის უდიდესი ქალაქიცაა.
წყლის დონემ ადგილებში 1,5 მეტრით მოიმატა.
დატბორილია საცხოვრებელი სახლები, სავაჭრო და კომერციული ცენტრები, საავადმყოფოები.
წყალდიდობამ დატბორა პრეზიდენტის სასახლეც.
Istana Merdeka pagi tadi.. Sudah surut sebelum @aniesbaswedan terbangun dari tidurnya.. Jangan bilang #AniesBanjir ga bisa buat Istana kebanjiran ya.. pic.twitter.com/8oA3td9o9V
— NalaR (@Paltiwest) February 25, 2020
გამორთულია ელექტროენერგია. შეწყვეტილია მოძრაობა. მაშველები და სამხედროები გასაბერი ნავებით გადაადგილდებიან და გადარჩენის მიზნით, სახლის სახურავებზე ასული მოსახლეობა უსაფრთხო ადგილას გადაჰყავთ.
300 ადამიანი უსახლკაროდაა დარჩენილი.
მეტეოროლოგების განცხადებით, ძლიერი წვიმა მომდევნო ორი კვირის განმავლობაში შენარჩუნდება.
ინდონეზიაში, რომელიც 17000 კუნძულისგან შედგება, მიწისძვრა, ძლიერი წვიმები და მეწყერი ხშირი მოვლენაა, რაც ქვეყნის ეკონომიკას საშუალოდ, წელიწადში, 6,5 მილიარდი დოლარის ზარალს აყენებს.
