ლიბიის სანაპირო დაცვამ ტრიპოლიდან 60 კილომეტრის დაშორებით, ხმელთაშუა ზღვის სანაპიროზე 126 მიგრანტი დააკავა. 118 მამაკაცი და 4 ქალი და 4 ბავშვი გასაბერი ნავით, ლიბიის გავლით, ევროპაში აპირებდა გადასვლას. აფრიკიდან წამოსული მიგრანტები დროებითი მოთავსების ბანაკებში გადაიყვანეს.
ერთი კვირის მანძილზე ეს დაკავების მეორე შემთხვევაა. ბოლო პერიოდში ლიბია მიგრანტების მთავარ სატრანზიტო პუნქტად იქცა. თავიანთი ქვეყნებიდან ომსა და შიმშილს გამოქცეული მიგრანტები ცდილობენ, თავი ევროპას შეაფარონ.
მედეა ცხოვრებაძე
ავტორი