McCafee-ის დამფუძნებელმა, ამერიკელმა ბიზნესმენმა ჯონ მაკაფიმ შეტყობინება დატოვა, რომელიც მისი გარდაცვალების შემთხვევაში უნდა გაეხსნათ.
2020 წლის 15 ოქტომბერს ბიზნესმენმა Twitter-ზე დაწერა, რომ იგი ციხეში არსებული პირობებით კმაყოფილია და თვითმკვლელობას არ აპირებს.
”აქ ყველაფრით კმაყოფილი ვარ. მყავს მეგობრები, კარგად ვიკვებები. იცოდეთ, თუ თავს ჩამოვიხრჩობ, ეს ჩემი ბრალი არ იქნება”, - წერდა მაკაფი.
დღეს, ბარსელონის ციხის საკანში ანტივირუსული პროგრამის, VirusScan-ის შემქმნელი კომპანიის, McAfee-ის დამაარსებელი ჯონ მაკაფი გარდაცვლილი იპოვეს. წინასწარი ინფორმაციით მან თავი მოიკლა.
ცოტა ხნის წინ ესპანეთის სასამართლო მის აშშ-ში ექსტრადიციას დათანხმდა. აშშ-ში მას კრიპტოვალუტის სფეროში გადასახადების თავიდან არიდებას ედავებიან. აშშ-მა ბიზნესმენზე საერთაშორისო ძებნა გამოაცხადა. იგი ბარსელონას აეროპორტში 2020 წლის ოქტომბერში დააკავეს.
