მექსიკის ქალაქ კაბო-სან-ლუკასში ტურისტი კლდესთან სურათის გადაღებას ცდილობდა, როდესაც მას მოულოდნელად უზარმაზარმა ტალღამ დაარტყა. ინფორმაციას ამის შესახებ Mirror ავრცელებს.
ინციდენტი ვიდეოზე ერთ-ერთმა თვითმხილველმა გადაიღო.
კადრებში ჩანს, როგორ ცდილობს ქალი სურათის გადასაღებად შესაფერისი პოზის დაჭერას, ოკეანისკენ ზურგით დგება, შემდეგ კი მას ტალღა ფარავს.
ტურისტი გადარჩა, წყლიდან დამოუკიდებლად გამოვიდა და განაცხადა, რომ არ დაშავებულა. ინციდენტის შედეგად მან მხოლოდ სათვალე დაკარგა.
