თურქეთი "ისლამური სახელმწიფოს" გასამართლებული წევრების რეპატრიაციას იწყებს. ინფორმაციას ამის შესახებ თურქული მედია ავრცელებს.
ჯერჯერობით უცნობია, კონკრეტულად რა პროცედურებით ჩატარდება პროცესი.
თურქეთის პრეზიდენტის, რეჯეფ თაიფ ერდოღანის თქმით, ამჟამად ქვეყნის ციხეებში "ისლამური სახელმწიფოს" 1 201 წევრი იმყოფება.
რეპატრიაციის დაწყების შესახებ ჟურნალისტებს გასულ კვირას თურქეთის შინაგან საქმეთა მინისტრმა, სულეიმან სოილუმ განუცხადა.
