თურქეთის მრეწველობისა და ტექნოლოგიის მინისტრმა მუსტაფა ვარანკმა Delta V Space Technologies Inc.-ის ობიექტები მოინახულა, სადაც მთვარის მისიისათვის, უნიკალური ეროვნული ჰიბრიდული რაკეტა და უპილოტო კოსმოსური ხომალდი შემუშავდა. ამის შესახებ ადგილობრივი საინფორმაციო სააგენტო Anadolu წერს.
გამოცემის ცნობით, თურქული რაკეტების მთვარეზე გაგზავნა 2023 წელს, რესპუბლიკის 100 წლისთავის აღსანიშნავად არის დაგეგმილი.
თურქეთის პრეზიდენტმა რეჯეფ თაიფ ერდოღანმა ქვეყნის ეროვნული კოსმოსური პროგრამა მიმდინარე წლის 9 თებერვალს წარადგინა. პროგრამა მთვარის შესწავლას ითვალისწინებს.
