თურქეთის პრეზიდენტმა რეჯეფ თაიფ ერდოღანმა ევროკომისიის ხელმძღვანელ ურსულა ფონ დერ ლაიენთან მოლაპარაკებები გამართა, რომლის დროსაც მან აღიარა, რომ თურქეთი თავის მომავალს ევროკავშირში ხედავს.
ერდოღანმა განაცხადა, რომ ევროკავშირი თურქეთის დღის წესრიგში პრიორიტეტულ პოზიციას იკავებს.
თურქეთის პრეზიდენტმა ასევე დასძინა, რომ აუცილებლად მიიჩნევს ევროკავშირთან საბაჟო კავშირის განახლებას, თურქეთის მოქალაქეებისთვის უვიზო რეჟიმის უზრუნველყოფასა და ევროკავშირში თურქეთის წევრობისთვის ახალი ნაბიჯების გადადგმას.
”აუცილებელია ორმხრივი ნდობის აღდგენა, კონსულტაციის მექანიზმების აღდგენა, დისკრიმინაციული ქმედებების დასრულება”, - ნათქვამია თურქეთის კანცელარიის განცხადებაში.
