თურქეთის ეროვნული ვალუტის რეკორდული გაუფასურების გამო, პრეზიდენტმა რეჯეფ თაიფ ერდოღანმა ცენტრალური ბანკის ხელმძღვანელი მურათ უისალი თანამდებობიდან გაათავისუფლა.
თურქეთის პრეზიდენტის განკარგულებით, ცენტრალური ბანკის დირექტორის თანამდებობას თურქეთის ყოფილი ფინანსთა მინისტრი ნაჯი აგბალი დაიკავებს.
მანამდე, ნაჯი აგბალი თურქეთის პრეზიდენტის ადმინისტრაციის დეპარტამენტის უფროსად მუშაობდა, 2015-2018 წლებში ის თურქეთის ფინანსთა მინისტრის თანამდებობას იკავებდა, ხოლო 2006 წელს Petkim-ის საბჭოს წევრი იყო.
