თურქეთის საგარეო საქმეთა სამინისტრომ ირანის ელჩი მუჰამედ ფერაზმენდი გაიწვია. ამის შესახებ საინფორმაციო სააგენტო Anadolu წერს.
გამოცემის ცნობით, ამის მიზეზი ელჩის განცხადებები გახდა, რომელიც აცხადებდა, რომ ანკარამ ერაყის სუვერენიტეტი დაარღვია.
ირანის ელჩს თურქეთის საგარეო საქმეთა სამინისტროში განუცხადეს, რომ ანკარა ტერორიზმის წინააღმდეგ ბრძოლაში, თეირანისგან მხარდაჭერას ელის და არა წინააღმდეგობის გაწევას.
27 თებერვალს ერაყში ირანის ელჩმა ირაჯ მასჯედიმ ქურთულ სააგენტოსთან ინტერვიუში განაცხადა, რომ თეირანი ერაყში თურქეთის ინტერვენციურ საქმიანობას ეწინააღმდეგება და ანკარას ჯარების გაყვანისაკენ მოუწოდებს.
