თურქეთმა, ახალი ტიპის კორონავირუსის გავრცელების გამო, უსაფრთხოების ზომების დაცვის მიზნით, ირანთან საზღვრის ჩაკეტვის შესახებ გადაწყვეტილება მიიღო. ამის შესახებ თურქული გამოცემა Daily sabah იუწყება.
გამოცემის ცნობით, ამ დროისათვის ჩაკეტილია თურქეთ-ირანის კაპიკეისა და ესენდერეს სასაზღვრე პუნქტები. თურქეთმა საზღვრის ჩაკეტვის შესახებ გადაწყვეტილება მას შემდეგ მიიღო, რაც ირანის ტერიტორიაზე კორონავირუსით ინფიცირების შემთხვევები საგრძნობლად გახშირდა.
ბოლო მონაცემებით, ახალი ტიპის კორონავირუსით ირანის ტერიტორიაზე 8 მოქალაქე დაიღუპა, ხოლო 43 კვლავ ინფიცირებულია.
