თურქეთში ბოლო 24 საათში კორონავირუსის 1,546 ახალი შემთხვევა გამოვლინდა, დაიღუპა კიდევ 50 ადამიანი.
ქვეყნის ჯანდაცვის მინისტრის, ფაჰრეთინ კოჯას განცხადებით, ამ დროისთვის ქვეყანაში ვირუსის გავრცელების 137,115 შემთხვევაა დაფიქსირებული, რაც დასავლეთ ევროპის ქვეყნების, აშშ-ისა და რუსეთის შემდეგ მსოფლიოში ყველაზე მაღალი მაჩვენებელია. გარდაცვლილთა საერთო რაოდენობამ 3,739-ს მიაღწია.
COVID-19-ის ინფექციისგან 89,480 პაციენტი გამოჯანმრთელდა, ხოლო 1,168 პირის მდგომარეობა კრიტიკულია.
