თურქეთში ბოლო 24 საათის განმავლობაში ახალი ტიპის კორონავირუსით 76 ადამიანი გარდაიცვალა, რითაც დაღუპულთა რიცხვი 725-მდე გაიზარდა. ამის შესახებ ქვეყნის ჯანდაცვის მინისტრმა, ფაჰრეთინ კოჯამ განაცხადა.
მისი თქმით, თურქეთში COVID-19-ით კიდევ 3 892 ადამიანი დაავადდა და ინფიცირებულთა რაოდენობა 34 109-ს აღწევს.
ახალი კორონავირუსისგან განიკურნა კიდევ 256 პაციენტი, რითაც გამოჯანმრთელებულთა რაოდენობა 1 582-მდე გაიზარდა.