თურქეთის უსაფრთხოების სამსახურმა ტერორისტული ორგანიზაცია "ისლამური სახელმწიფოს" დაჯგუფების წევრების დაკავების ოპერაციები განახორციელა, რომლის დროსაც 24 ადამიანი დააკავეს.
თურქეთის დედაქალაქ ანკარაში ჯგუფის ათი წევრი დააკავეს, რომლებიც უცხო ქვეყნის მოქალაქის მკვლელობაში არიან ბრალდებულნი. ხოლო თურქეთის ჩრდილოეთით, სამსუნის პროვინციაში უცხო ქვეყნის 14 მოქალაქე დააკავეს, რომლებიც "ისლამური სახელმწიფოს" წევრები არიან. მათ შორის არის სირიის ოთხი და ერაყის 10 მოქალაქე.
