თავში

თურქეთში კრიპტოვალუტის სავაჭრო ბირჟაზე თაღლითობისთვის 62 ადამიანი დააკავეს

თურქეთში კრიპტოვალუტის სავაჭრო
თურქეთში კრიპტოვალუტის სავაჭრო ბირჟაზე თაღლითობისთვის 62 ადამიანი დააკავეს

თურქეთში, კრიპტოვალუტის ბირჟასთან დაკავშირებული გამოძიების ფარგლებში, პოლიციამ 62 ადამიანი დააკავა. ინფორმაციას ამის შესახებ Reuters ავრცელებს.

კრიპტოვალუტის ბირჟა Thodex-თან დაკავშირებული გამოძიების ფარგლებში დაკავებულთა რიცხვი შესაძლოა კიდევ გაიზარდოს. პოლიციამ 62 ადამიანი რვა სხვადასხვა პროვინციაში აიყვანა.

სტამბოლის მთავარი პროკურატურის განცხადებით, Thodex-ის წინააღმდეგ გამოძიება მას შემდეგ დაიწყო, რაც პოლიციაში მომხმარებლების საჩივრები შევიდა, რომლებსაც საკუთარ აქტივებზე წვდომა დაკარგეს.

სავარაუდოდ, ამ ფაქტმა გავლენა იქონია 391,000 ინვესტორზე და დაიკარგა 1,44 მილიარდი ფუნტი ინვესტიცია.

Thodex-ის მფლობელი ფარუქ ფატიჰ ოზერმა ბრალდებას უარყოფს და აცხადებს, რომ გამოძიება კომპანიის დისკრედიტაციას ემსახურება. მისი თქმით, აქტივები არსად გამქრალა, უბრალოდ Thodex-მა დროებით შეაჩერა ვაჭრობა მას შემდეგ, რაც მომხმარებლების ანგარიშებზე კიბერშეტევა დაფიქსირდა.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system