თურქეთში, ვანის ტბაში ნავი ჩაიძირა, რომლის ბორტზე 55-60 არალეგალი მიგრანტი იმყოფებოდა. ინციდენტის შედეგად 6 ადამიანი დაიღუპა. ამის შესახებ თურქეთის შინაგან საქმეთა მინისტრმა, სულეიმან სოილუმ განაცხადა.
მისი თქმით, ადგილზე დრონია მობილიზებული, რომელიც მაშველებს ადამიანების ძებნაში დაეხმარება.
სულეიმან სოილუმ აღნიშნა, რომ მომხდარზე 11 ადამიანია დაკავებული. სამაშველო ოპერაცია გრძელდება.
