თურქეთში 2020 წლის ივნისში, შარშანდელ ანალოგიურ მაჩვენებელთან შედარებით, უცხოელ ტურისტთა რიცხვი 85,9%-ით დაეცა. ამის შესახებ ქვეყნის კულტურისა და ტურიზმის სამინისტროში განაცხადეს.
უწყების ინფორმაციით, გერმანიიდან ჩამოსული ტურისტების რიცხვი 77,1%-ით შემცირდა, დიდი ბრიტანეთიდან - 82,4%-ით, ნიდერლანდებიდან - 82,4%-ით, საფრანგეთიდან - 70,4%-ით.
2020 წლის პირველ 7 თვეში ტურისტების რიცხვი თურქეთში 78%-ით შემცირდა და 5,44 მილიონი ადამიანი შეადგინა.
