თურქმენეთის ხელისუფლების გადაწყვეტილებით, შაბათ-კვირას ალკოჰოლური სასმელების გაყიდვა აიკრძალა. აკრძალვა ეხება ყველა სახის ალკოჰოლის შემცველ სასმელს, მათ შორის ლუდს და ღვინოს.
ალკოჰოლური სასმელების შეძენა ქვეყანაში მხოლოდ სამუშაო დღეებში 08:00 საათიდან 20:00 საათამდე იქნება შესაძლებელი.
ამრიგად, თურქმენეთში ძალაში შევიდა 2018 წლის ბოლოს მიღებული კანონი "ალკოჰოლის მავნე ზემოქმედების პრევენციის" შესახებ.
კანონის თანახმად, სასმლის გაყიდვა დღესასწაულებზეც აკრძალულია. 2019 წლის 1 იანვრიდან იკრძალება ალკოჰოლის საცალო ვაჭრობა გარე ბაზრობებსა და მაღაზიის გარეთა დახლებზე. გამონაკლისს კვების ობიექტები წარმოადგენენ.