თურქულმა სპეცსამსახურებმა "ისლამური სახელმწიფოს" მეთაურის ალ-ბაღდადის ათზე მეტი ნათესავი დააკავეს, ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.
"დაკავებულია ასევე ალ-ბაღდადის შვილი, რომლის ნათესაური კავშირი დნმ-ის ანალიზმა დაადასტურსა", - განაცხადა ერდოღანმა.
რამდენიმე დღის წინ, ერდოღანმა ალ-ბაღდადის დისა და მისი ქმრის სირიაში დაკავების შესახებ გააკეთა განცხადება.
"ისლამური სახელმწიფოს" ლიდერის ლიკვიდაციის შესახებ ინფორმაცია 27 ოქტომბერს გავრცელდა.
სპეცოპერაცია სირიის ჩრდილოეთ ნაწილში, იდლიბის პროვინციაში ჩატარდა. აბუ ბაქრ ალ-ბაღდადიმ ე.წ. შაჰიდის ქამრით აიფეთქა თავი.
ISIS-ის ლიდერის სიკვდილი აშშ-ს პრეზიდენტმა, დონალდ ტრამპმა დაადასტურა.
პენტაგონმა „ისლამური სახელმწიფოს“ ლიდერის, აბუ ბაქრ ალ-ბაღდადის ლიკვიდაციის ვიდეო გაასაჯაროვა.
