ნიგერიის ფედერალურმა მთავრობამ კომპანია Twitter, რომელმაც ქვეყნის პრეზიდენტის, მუჰამედ ბუხარის შეტყობინება წაშალა, ორმაგ სტანდარტებში დაადანაშაულა. ინფორმაციას ამის შესახებ პორტალი Sahara Reporters ავრცელებს.
”Twitter-ს, შესაძლოა, საკუთარი წესები ჰქონდეს, მაგრამ ისინი უნივერსალური არ არის”, - განაცხადა ნიგერიის ინფორმაციისა და კულტურის მინისტრმა, ლაი მოჰამედმა.
მისი თქმით, თუკი ნებისმიერი სახელმწიფოს პრეზიდენტი საკუთარ ქვეყანაში შექმნილი მდგომარეობით შეშფოთებულია, მას საკუთარი აზრის გამოხატვის უფლება აქვს.
სააგენტო Reuters-ის ინფორმაციით, Twitter-მა 2 ივნისს ნიგერიის პრეზიდენტის პოსტი წაშალა, რომელსაც ის სეპარატისტებს სამთავრობო შენობებზე თავდასხმისთვის დასჯით ემუქრება. კომპანიამ აღნიშნა, რომ მიზეზი 1967-70 წლების სამოქალაქო ომის ხსენებაა, რომლის დროს მილიონზე მეტი ადამიანი დაიღუპა. კომპანიამ აღნიშნა, რომ ნიგერიის პრეზიდენტმა Twitter-ის პოლიტიკა დაარღვია და ამიტომაც, მისი ანგარიში დაიბლოკა.