სოციალურმა ქსელმა Twitter-მა უნგრეთის მთავრობის ოფიციალური ანგარიში 30 სექტემბერს დაბლოკა. ამის შესახებ უნგრეთის მთავრობის ოფიციალურმა პირმა, ზოლტან კოვაჩმა განაცხადა.
"უნგრეთის მთავრობის ოფიციალური ანგარიშის მუშაობა ყოველგვარი გაფრთხილებისა და ახსნა-განმარტების გარეშე შეჩერდა", - დასძინა მან.
კოვაჩმა ეს მოვლენას დაუკავშირა იმ ფაქტს, რომ ევროკომისიამ დღეს უნდა წარადგინოს პირველი ანგარიში კანონის უზენაესობის შესახებ.
"საბოლოოდ გამოჩნდა, რომ ტექნიკური გიგანტური კომპანიები განსხვავებულ აზრს ბლოკავენ", - განაცხადა კოვაჩმა.
მან განაცხადა, რომ ის აღნიშნულ ფაქტთან დაკავშირებით Twitter-ის ოფიციალური წარმომადგენლისგან კომენტარის გაკეთებას ელოდება.
თეკო გიორგაძე
ავტორი