ტაიფუნის შედეგად გასული დღე-ღამის განმავლობაში 10 ადამიანი დაიღუპა იაპონიაში - სამს ამ დრომდე ეძებენ. ქვეყანაში სტიქია ორი კვირაა მძვინვარებს. ევაკუაციაა გამოცხადებული ქვეყნის ჩრდილოეთ ნაწილში. რეგიონის ცენტრალურ ქალაქებში, ფუკუშიმასა და ჩიბაში, 12 საათის განმავლობაში 283,5 მმ ნალექი მოვიდა. ადგილობრივი მედიის ცნობით ქალაქ კამოგავაში 4700 ოჯახი წყლის გარეშეა დარჩენილი.
სპეციალისტები მეწყერსა და დატბორვებს ისევ ვარაუდობენ. სტიქიის დაწყებიდან დღემდე ტაიფუნს 88 ადამიანი ემსხვერპლა. ოფიციალური ცნობით შვიდი ადამიანი იძებნება, 300-ზე მეტი კი დაშავებულია.
