ახალი კორონავირუსის ეპიდემიის ფონზე, ბევრ ქვეყანაში კარანტინია გამოცხადებული, რის გამოც მოსახლეობა ქუჩაში გასვლისგან თავს იკავებს. თუმცა, ამის მიუხედავად ფორმაში ყოფნა აუცილებელია, მით უფრო, როდესაც მთელ დროს სახლში ვატარებთ. სწორედ ამიტომ, თვითიზოლირებულთა უმეტესობა ფიტნესის ონლაინ კურსებს მიმართავს.
უგანდის პრეზიდენტმა, იოვერი მუსევანმა, მას შემდეგ, რაც მოქალაქეებს ქუჩაში გასვლისგან თავის შეკავებისკენ მოუწოდა, ვიდეო გამოაქვეყნა, სადაც უგანდელებს ასწავლის, თუ როგორ ივარჯიშონ და დაკავდნენ ფიტნესით სახლის პირობებში.
"ვნახე ვიდეო, რომელშიც უამრავი ადამიანი ქუჩაშია გამოსული და ვარჯიშობს. ეს უნდა შეწყდეს. თუ ვარჯიში გსურთ, ამის გაკეთება სახლშიც შესაძლებელია და ხვალ მე თავად გასწავლით როგორ",- წერს უგანდის პრეზიდენტი Twitter-ის ოფიციალურ გვერდზე.
75 წლის პრეზიდენტმა პირობა შეასრულა და მომავალ დღეს 3 წუთიანი ვიდეო გამოაქვეყნა.
"გუშინ, მე იმედგაცრუებული ვიყავი იმ ადამიანებით, რომლებიც ჯგუფურად დარბოდნენ და ამით, საკუთარ თავს COVID-19-ის რისკის ქვეშ აქცევდნენ. არ არის აუცილებელი სავარჯიშო დარბაზში სიარული. აქ არის ჩემი დემონსტრირება, თუ როგორ შეგიძლიათ ივარჯიშოთ სახლის პირობებში და დაიცვათ უსაფრთხოება", - განაცხადა იოვერ მუსევანმა.
Yesterday, I discouraged people who have been jogging in groups, exposing themselves to risk amidst the COVID-19 pandemic. You do not have to go outdoors to exercise. Here is my demonstration of how you can exercise indoors and stay safe. pic.twitter.com/Ulbj6vGOYQ
— Yoweri K Museveni (@KagutaMuseveni) April 9, 2020
უგანდაში ახალი ტიპის კორონავირუსის 53 შემთხვევაა დადასტურებული.
