ჩინეთში, ჰუბეის პროვინციაში, ქალაქ უჰანში ტორნადოს ექვსი ადამიანი ემსხვერპლა, ხოლო 218 დაშავდა. ამის შესახებ გამოცემა Deutsche Welle იუწყება.
გამოცემის ცნობით, პეკინის დროით 20:39 საათზე ტორნადო კაიდიანის გარეუბანს დაატყდა თავს.
ქარის სიჩქარე წამში 23 მეტრს აღწევდა. სტიქიის შედეგად 27 სახლი დაინგრა, 400 სახლი დაზიანდა.
ქალაქის ხელისუფლებამ სამოქმედო გეგმა სწრაფად შეიმუშავა და სამძებრო-სამაშველო ოპერაციები დაიწყო.