კონტროლიდან გამოსული 18 ტონიანი ჩინური რაკეტის ნაწილები, ატმოსფეროში შემოვა და დედამიწაზე, სავარაუდოდ, შაბათ საღამოს, ან კვირას დილით დაეცემა. მსოფლიო შეშფოთებით ადევნებს თვალყურს ამ მოვლენას. იფნორმაციას BBC ავრცელებს.
Long March-5b ხომალდის მთავარი სეგმენტი პეკინმა გასულ თვეში ახალი კოსმოსური სადგურის პირველი მოდულის გასაშვებად გამოიყენა. 30 მეტრის სიგრძისა და 22 ტონა სიმძიმის რაკეტა კოსმოსში 29 000 კილომეტრი საათში სიჩქარით გადაადგილდება. ის ბოლო ათწლეულების განმვალობაში ერთ-ერთი ყველაზე დიდი სხეულია, რომელიც უკონტროლოდ შემოვა ატმოსფეროში.
UPDATE: Chinese Long March 5B (NORAD-ID 48275) is expected to re-enter this week - NORSS' Monte Carlo results provide a probabilistic re-entry time of approximately 0248UTC on 09/05/2021. The 2 sigma uncertainty window currently spans 595 minutes. pic.twitter.com/I5jsRWsW6F
— NORSS Orbital Analyst Hive (@HiveNorss) May 7, 2021
პენტაგონი ყოველდღიურად აკონტროლებს დედამიწის გარშემო მოძრავ 27 000-მდე ობიექტს ან ნარჩენს. თუმცა, ჩინეთის უკონტროლო რაკეტა სიდიდით და წონით ყველაზე დიდია. შესაბამისად, დედამიწის ატმოსფეროში შემოსვლისას, მისი სრული წვა და დაშლა ვერ მოხდება.
პენტაგონი ვარაუდობს, რომ რაკეტა წყნარ ოკეანეში დაეცემა. აშშ-ის თავდაცვის მინისტრმა ლოიდ ოსტინმა იმედი გამოთქვა, რომ ხომალდი ოკეანის იმ ნაწილში ჩავარდება, სადაც ადამიანებს ზიანს არ მიაყენებს.
