უკრაინის ჯანდაცვის სამინისტროს ინფორმაციით, ქვეყანაში კორონავირუსით დაინფიცირებულთა შორის ბავშვები და სამედიცინო პერსონალიც არიან. ბოლო 24 საათში ვირუსი 29 ბავშვს და 90 ექიმს გამოუვლინდა. მთლიანობაში ქვეყანაში COVID-19-ით 260 ბავშვი და 684 ექიმია დაინფიცირებული.
უკრაინაში კორონავირუსის 3764 შემთხვევაა გამოვლენილი, გარდაიცვალა 108 და გამოჯანმრთელდა 143 პაციენტი . საავადმყოფოში მკურნალობას 3513 ადამიანი განაგრძობს.
დაავადებულთა ასაკი ასე გამოიყურება: 4,5% 0-დან 9 წლამდე ასაკისაა, 4,10% - 10-დან 19 წლის. 11% - 20-29 წლის, 18,70%- 30-39 წლის, 19,30% - 40-69 წლის, 14,10% - 69-79 წლის და 80 წელს ზევით დაავადებული მხოლოდ 0,70%-ია.
მედეა ცხოვრებაძე
ავტორი