უკრაინის პრემიერ-მინისტრის, დენის შმიგალის განცხადებით, ქვეყანაში კორონავირუსის მესამე ტალღა დაიწყო.
"უნდა ითქვას, რომ უკრაინაში ეპიდემიის მესამე ტალღა დაიწყო", - თქვა შმიგალმა.
პოლიტიკოსის თქმით, შემთხვევების რაოდენობა ყოველდღიურად იზრდება და შესაბამისად, უკრაინაში, შესაძლოა, სრული ჩაკეტვა კვლავ ძალაში შევიდეს.
ამასთან, შმიგალმა გაიხსენა ვაქცინების დეფიციტი მთელს მსოფლიოში და მოუწოდა მოქალაქეებს, შეასრულონ ანტიეპიდემიური ზომები. პრემიერ-მინისტრმა ასევე განაცხადა, რომ ხელისუფლება ყველა ღონეს ხმარობს, რომ სიტუაცია არ გაუარესდეს.
