უკრაინაში განიკურნა პირველი პაციენტი, რომელსაც კორონავირუსი დაუდგინდა. ამის შესახებ ქვეყნის პრეზიდენტმა, ვლადიმერ ზელენსკიმ ვიდომიმართვისას განაცხადა.
"პაციენტს კორონავირუსზე განმეორებითი ლაბორატორიული ტესტი ჩაუტარეს და მან უარყოფითი შედეგი აჩვენა. შესაბამისად, ოფიციალურად ვაცხადებთ - უკრაინაში არის პირველი ადამიანი, რომელიც კორონავირუსისგან განიკურნა. მას საავადმყოფოდან დღეს დაწერენ და ის სახლში დაბრუნდება", - განაცხადა მან.
გარდა ამისა, ვლადიმერ ზელენსკიმ აღნიშნა, რომ უახლოეს 48 საათში ჩინეთიდან 10 მილიონ ტესტ, ფილტვების ხელოვნური ვენტილაციის 10 აპარატს, მილიონ პირბადეს, 400 ათას ექსპრეს-ტეტსა და დეზინფექციური სითხის 10 ათას ლიტრს მიიღებენ.
უკრაინაში ამ დროისთვის ინფიცირების 26 შემთხვევაა დაფიქსირებული.
