უკრაინის პრეზიდენტმა ძალოვანი უწყებების ხელმძღვანელ პირებთან თათბირი გამართა. შეხვედრას უკრაინის შინაგან საქმეთა მინისტრი, გენერალური პროკურორი, ეროვნული ანტიკორუფციული ბიუროს დირექტორი და უშიშროების სამსახურის ხელმძღვანელი ესწრებოდნენ. ვლადიმერ ზელენსკიმ პრემიერ-მინისტრის მოსმენაში ეჭვმიტანილების დასადგენად ორკვირიანი ვადა მისცა.
„ვითხოვ, რომ ორ კვირაში, რაც შეიძლება მალე მივიღოთ ინფორმაცია, ვინ აწარმოებს ჩაწერას“, – განაცხადა ვლადიმირ ზელენსკიმ.
შეგახსენებთ, რომ 15 იანვარს ინტერნეტში გავრცელდა ჩანაწერი, რომელშიც უკრაინის პრემიერ-მინისტრის ხმით მოსაუბრე ადამიანი აცხადებს, რომ „ის ეკონომიკაში ვერ ერკვევა და ასევე პრეზიდენტიც ეკონომიკურ საკითხებში არაკომპეტენტურია“.
ჩანაწერის გავრცელების შემდეგ უკრაინის პრემიერ-მინისტრმა, ალექსეი გონჩარუკმა გადადგომის შესახებ განცხადება დაწერა და პრეზიდენტ ვლადიმერ ზელენსკის გადასცა.