უკრაინის ყოფილი საპრეზიდენტო კანდიდატი და პარტია "ბატკივშინას" ლიდერი, იულია ტიმოშენკო კორონავირუსით დაინფიცირდა. ამის შესახებ უკრაინული მედია სანდო წყაროზე დაყრდნობით იუწყება.
მედიის ცნობით, პოლიტიკოსთან ერთად კორონავირუსი, ასევე მის მეუღლეს და ქალიშვილსაც დაუდასტურდათ. როდის და რა პირობებში მოხდა ტიმოშენკოს ინფიცირება, ამის შესახებ ინფორმაცია ცნობილი არ არის. ასევე უცნობია პოლიტიკოსის და მისი ოჯახის წევრების ჯანმრთელობის მდგომარეობა.
