ინდოეთში კორონავირუსის ახალი შემთხვევების რიცხვი მე-6 დღეა 300 ათასს აღემატება, რის გამოც ადგილობრივი ექიმები დახმარებას არმიას სთხოვენ. ინფორმაციას ამის შესახებ CNA ავრცელებს.
ბოლო 24 საათის განმავლობაში ინდოეთში ოფიციალურად COVID-19 -ის 323,144 ახალი შემთხვევა, ხოლო გუშინწინ - 352,991 შემთხვევა დადასტურდა. ამრიგად, ინდოეთი რამდენიმე დღის განმავლობაში ახალი კორონავირუსული ინფექციების რიცხვის ყოველდღიური ზრდის მიხედვით რეკორდებს ხსნის. ~
ამასთან, ინდოეთის სამედიცინო სისტემა მთლიანად გადატვირთულია და საავადმყოფოებში ადგილები აღარ არის. ამიტომ, პანდემიასთან საბრძოლველად, ინდოელმა ექიმებმა უკვე სთხოვეს დახმარება სამხედროებს.
ბოლო ერთი დღის განმავლობაში ქვეყანაში კორონავირუსით სიკვდილიანობის მაჩვენებელი 2,771 იყო, მაგრამ ექსპერტები უახლოეს მომავალში ამ მაჩვენებლის მნიშვნელოვან გაუარესებას ელიან.
შეგახსენებთ, რომ ინდოეთის პრემიერ-მინისტრმა ნარენდრა მოდიმ განაცხადა, რომ ქვეყანა "კორონავირუსის ქარიშხალმა მოიცვა".
ინდოეთში ეპიდემიოლოგიური მდგომარეობის გამო შეშფოთება ჯანდაცვის მსოფლიო ორგანიზაციის ხელმძღვანელმაც გამოხატა.
ინდოეთის ქუჩებში, კრემატორიუმებში ადგილების სიმცირის გამო, კორონავირუსით გარდაცვლილ ადამიანთა ცხედრებს ქუჩაში წვავენ.
ინფექციის სწრაფი გავრცელების მიზეზი კორონავირუსის ახალი, უფრო გადამდები და საშიში ვარიანტია, რომელიც ინდოეთის ტერიტორიაზე შეიქმნა.
პანდემიის დასაწყისიდან დღემდე ქვეყანაში გამოვლენილია COVID-19- ით 17,636,307 შემთხვევა, 197 894 ადამიანი გარდაიცვალა.
