დიდი ბრიტანეთის მთავრობის ჯანდაცვის მრჩეველის მოადგილის, ჯონათან ვან-ტამის განცხადებით, კორონავირუსზე ვაქცინირებული პირები, შესაძლოა ინფექციის გამავრცელებლები იყვნენ. ამის შესახებ გამოცემა The Guardian წერს.
გამოცემის ინფორმაციით, ბრიტანეთი მოქალაქეებს მოუწოდებს, ვაქცინაციის შემთხვევაშიც კი დაიცვან უსაფრთხოების წესები.
პროფესორი ჯონათან ვან-ტამი აღნიშნავს, რომ ვაქცინირებული პირები დაცულები არიან, თუმცა მაღალი რისკის ქვეშ მყოფ პირებს საფრთხის წინაშე აყენებენ.
ეპიდემიის გავრცელებიდან დღემდე, დიდ ბრიტანეთში კორონავირუსით 3 617 459 ადამიანი დაინფიცირდა, ხოლო ინფიცირებული 97 329 პირი გარდაიცვალა.
