ვაშინგტონის მერმა მურიელ ბოუზერმა, საპროტესტო აქციების გამო, ქალაქში ერთი დღით კომენდანტის საათი გამოაცხადა. ამის შესახებ ინფორმაციას CNN აცრცელებს.
გამოცემის ცნობით, გადაადგილების შეზღუდვა ვაშინგტონში ადგილობრივი დროით 6 იანვრის 18:00 საათიდან 7 იანვრის 06:00 საათამდე იმოქმედებს.
ცნობისთვის, აშშ-ის კონგრესს საპრეზიდენტო არჩევნების შედეგები დღეს უნდა დაემტკიცებინა, რომლის თანახმად, აშშ-ის 46-ე პრეზიდენტად ჯო ბაიდენი გამოცხადდა. ყოველივე ამის ფონზე, აშშ-ს 45-ე პრეზიდენტის, დონალდ ტრამპის მხარდამჭერები კონგრესის შენობაში შეიჭრნენ.