თავში

ვირთხამ ბრიტანეთის უმაღლესი ჯილდო მიიღო - VIDEO

​ვირთხამ ბრიტანეთის უმაღლესი ჯილდო მიიღო

გამბიურმა ჩანთოსანი ვირთხამ, სახელად მაგავამ, დიდი ბრიტანეთის უმაღლესი ჯილდო კამბოჯაში ნაღმების აღმოჩენისთვის მიიღო. ამის შესახებ საქველმოქმედო ორგანიზაცია PDSA-ზე დაყრდნობით BBC იუწყება. 

მაგავამ სპეციალური მედალი PDSA Gold Medal მიიღო, რომელიც გეორგის ჯვრის ანალოგია.

ცხოველს ნაღმების აღმოჩენაზე ტანზანიაში საქველმოქმედო ორგანიზაცია APOPO წვრთნიდა.

მაგავას წონა 1,2 კილოგრამია. ის ნაღმების იდენტიფიკაციით ბოლო 7 წელია დაკავებული. ამ ხნის განმავლობაში 38 ნაღმი და 28 ერთეული საბრძოლო მასალა იპოვა.

PDSA აღნიშნავს, რომ ვირთხას ტენისის კორტის ზომის ტერიტორიის შემოწმება 30 წუთში შეუძლია. ადამიანი კი ამას 4 დღე მოანდომებდა.

ვირთხების გამოყენება ნაღმების მოსაძებნად 1998 წელს დაარსებულ ბელგიურ–ტანზანიურ კვლევით ორგანიზაციაში მოიფიქრეს.

გამბიური ჩანთოსანი ვირთხა – ღამის ცხოველია, ის ცუდად ხედავს, მაგრამ საუცხოო სმენა და ყნოსვა აქვს. სწორედ ამას ეფუძნება წვრთნები. 

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system