უკრაინის პრეზიდენტი ვლადიმერ ზელენსკი აშშ-ს 23 სექტემბერს ეწვევა. ამის შესახებ საგარეო საქმეთა მინისტრმა ვადიმ პრისტაიკომ განაცხადა. მისი თქმით, ზელენსკი გაეროს გენერალური ასამბლეის სესიაში მიიღებს მონაწილეობას.
„ჩვენ გვაქვს მოწვევა, ის წერილობითია, რაც დიპლომატიაში ხშირად არ კეთდება - მოწვევა არა მხოლოდ აშშ-ში ვიზიტით ჩასვლის შესახებ. თქვენ იცით, რომ აშშ-ში 23 სექტემბერს მივემგზავრებით. არამედ საუბარია ვაშინგტონში ვიზიტზე, რათა აშშ-ს პრეზიდენტსა და მთავრობასთან შედგეს შეხვედრა“, - განაცხადა პრისტაიკომ.
უკრაინის პირველმა დიპლომატმა არ დააკონკრეტა, როდის შედგება ვლადიმერ ზელენსკის და დონალდ ტრამპის შეხვედრა.
„სხვადასხვა თარიღები არსებობს, რომელსაც ჩვენ ახლა ვამუშავებთ. ვფიქრობ, მალე ყველაფერს გაიგებთ“, - განაცხადა უკრაინის საგარეო საქმეთა მინისტრმა.
ელენა ტრეხლებოვა
ავტორი