დრამატული სერიალის, "The Good Wife-ის" პროდიუსერი და სცენარისტი ჟაკლინ ჰოიტი ოდრი ჰეპბერნის შესახებ სერიალზე იმუშავებს. ამის შესახებ Variety წერს.
სერიალში საუბარი იქნება ჰეპბერნისთვის განმსაზღვრელ წლებზე, სავარაუდოდ, 1940-იანი წლების ბოლოს და 1950-იანი წლების დასაწყისში. ამ პერიოდში ოდრი საცხოვრებლად ლონდონში გადავიდა. მან მიიღო როლი ბროდვეის სპექტაკლში, შემდეგ ითამაშა საკულტო ფილმში "რომაული არდადეგები", რომელმაც მას ოსკარის, ოქროს გლობუსისა და BAFTA-ს ჯილდოები მოუტანა.
სერიალის მსახიობების შემადგენლობა და მისი გამოსვლის თარიღი ჯერჯერობით უცნობია.
