ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში, ჟოზეპ ბორელი თვითიზოლაციაშია. ამის შესახებ დიპლომატი ინფორმაციას სოციალურ ქსელში ავრცელებს.
როგორც ბორელი „ტვიტერში" წერს, ის თვითიზოლაციაში მას შემდეგ გადავიდა, როცა გაიგო, რომ ეთიოპიიდან დაბრუნების შემდეგ მისი დელეგაციის ერთ-ერთ წევრს კორონავირუსი დაუდასტურდა.
პირველი ტესტირებისას ბორელს COVID-19 არ დაუდასტურდა. დიპლომატი განმეორებითი ტესტირების ჩატარებას ელოდება.
„დელეგაციის ერთ-ერთ წევრს, რომელიც ჩემთან ერთად გასულ კვირას ეთიოპიაში იმყოფებოდა, კორონავირუსი დაუდასტურდა.
წესების შესაბამისად გადავდივარ თვითიზოლაციაში და დაველოდები მეორე ტესტის ჩატარებას", – წერს ევროპელი დიპლომატი.
I was informed this afternoon that a member of the delegation travelling with me and @JanezLenarcic to Ethiopia last week has tested positive for coronavirus. I tested negative upon my return on Sunday. I am self-isolating in accordance with rules and will wait to do second test.
— Josep Borrell Fontelles (@JosepBorrellF) October 13, 2020