დაქირავებით დასაქმებულთა დახმარების მიმართულებით, ჯამურად 68 მილიონი ლარია დახარჯული. ამის შესახებ დასაქმების ხელშეწყობის სახელმწიფო სააგენტოს დირექტორის მოადგილემ, ნინო ველთაურმა განაცხადა.
“62 ათასამდეა უნიკალური პირი, რომელმაც 200-ლარიანი დახმარება მიიღო ერთხელ, ორჯერ ან სამჯერ. სამი თვის კომპენსაცია მიღებული აქვს 62 ათას ადამიანზე მეტს და ივლისის თვეში ბოლო მონაცემებით, 117 895 ადამიანზეა გაცემული დახმარება”,- ამბობს ველთაური და დასძენს, რომ სახელმწიფოსგან დახმარება ბოლო მონაცემებით, 180 ათასზე მეტ თვითდასაქმებულზე გაიცა. მისივე თქმით, თვითდასაქმებულთა კომპენსაციას კიდევ 70 ათასზე მეტი ადამიანი მიიღებს.