ივლისის შუა რიცხვებში გერმანიის დასავლეთ ნაწილში წყალდიდობის შედეგად ქვეყნის სარკინიგზო ქსელმა 1.3 მილიარდ ევრო იზარალა.
"ჩვენ წინ წარმოუდგენელი სამუშაო გველოდება. მსგავსი მასობრივი დარღვევები ერთდროულად აქამდე არასდროს გვქონია", - აცხადებენ Deutsche Bahn-ში.
გერმანული გამოცემა DW-ის ცნობით, ყველაზე მნიშვნელოვანი ზიანი 50-ზე მეტი ხიდის განადგურებამ გამოიწვია. გარდა ამისა, წყალდიდობამ დააზარალა მრავალი სადგური და გაჩერება, 180 სარკინიგზო გადასასვლელი, თითქმის 40 გადამრთველი გადაცემა და 1000-ზე მეტი მავთულის და სიგნალის ანძა, დენის ერთეული, აგრეთვე ლიფტები და სადგურების განათების დანადგარები.
დასავლეთ გერმანიაში, წყალდიდობით დაზარალებულ რეგიონებში დაახლოებით 170 ადამიანი უგზო-უკვლოდ დაიკარგა. სტიქიის შედეგად, სულ მცირე, 160 ადამიანი დაიღუპა.