შეუცვლის თუ არა სასამართლო გიორგი რურუას მის მიმართ შეფარდებულ აღკვეთ ღონისძიებას - პატიმრობას, ხვალ გახდება ცნობილი.
„მთავარი არხის“ ერთ-ერთი მეწილის სასამართლო სხდომა 18 მაისს, 10:00 საათზეა დანიშნული. პროცესი ბრალდების მხარის მოწმეების დაკითხვით განახლდება.
სასამართლო პროცესზე დაცვის მხარე გიორგი რურუას აღკვეთის ღონისძიების გარეშე დატოვების შუამდგომლობას დააყენებს.
შეგახსენებთ, რომ ტელეკომპანია "მთავარი არხის" ერთ-ერთი მეწილე, გიორგი რურუა სამართალდამცველებმა ცეცხლსასროლი იარაღის უკანონო შეძენა-შენახვა ტარების ბრალდებით დააკავეს.
პროკურატურის ინფორმაციით, გიორგი რურუას ბრალდებას დაემატა ახალი მუხლი,რომელიც სასამართლო გადაწყვეტილების შეუსრულებლობასა და მისი შესრულებისათვის ხელის შეშლას გულისხმობს.
მას აღკვეთის ღონისძიების სახით პატიმრობა აქვს შეფარდებული.