საპროტესტო აქციის მონაწილეების ნაწილმა პარტია „ქართული ოცნების“ ცენტრალურ ოფისთან გადაინაცვლა. Report.ge-ს ჟურნალისტი ადგილიდან იუწყება, რომ სამართალდამცველები არიან მობილიზებულნი.
დემონსტრანტები სკანდირებენ "შეცვალე". იგივე სიტყვის დაწერას ცდილობდნენ ასფალტზეც, თუმცა პოლიციამ ამის საშუალება არ მისცა. აქციის მონაწილეების თქმით, მათ სურთ, შეტყობინება დაეტოვებინათ მმართველი პარტიის წევრებისათვის.
როგორც ცნობილია, ოფისში "ქართული ოცნების" ლიდერები დილიდან შეიკრიბნენ და ამ დრომდე იქ იმყოფებიან.