აქცია-პერფორმანსი საქართველოს პარლამენტთან. საკანონმდებლო ორგანოსთან ზებრის ფორმაში გადაცმული პირი გამოჩნდა, რომელიც აცხადებს, რომ დეპუტატია.
„დეპუტატი ვარ, თუ შეიძლება გამატარეთ, სხდომაზე მაგვიანდება. მიკეთია ცესკო-ს მიერ გაცემული „ბეიჯი". პარლამენტში 90 ზებრა მელოდება“, - განაცხადა აქტივისტმა.
პარლამენტის პირველი სხდომა 12:00 საათზე უნდა დაიწყოს.
პარალელურად კი, საკანონმდებლო ორგანოს ყველა შესასვლელთან საპროტესტო აქციები მიმდინარეობს.
ოპოზიცია პარლამენტს ბოიკოტს უცხადებს. მათი დიდი ნაწილი დღეს მანდატების გაუქმებას და საპარლამენტო სიების განულებას გეგმავს.