საქართველოს პრეზიდენტმა სალომე ზურაბიშვილმა საქართველოს მოქალაქეების ჩინეთიდან ევაკუაციისთვის საფრანგეთს მადლობა გადაუხადა. ამის შესახებ მან სოციალურ ქსელ Twitter-ზე დაწერა.
"მადლობა საფრანგეთს ჩინეთიდან საქართველოს მოქალაქეების ევაკუაციისთვის", - ნათქვამია ტვიტში.
საქართველოს ორი მოქალაქის ევაკუაცია ჩინეთის ქალაქ ვუჰანიდან დღეს განხორციელდა. სპეციალური თვითმფრინავი ქალაქ ისტრში დაეშვა. მოქალაქეები 14-დღიან კარანტინს საფრანგეთში გაივლიან, რის შემდეგაც სამშობლოში დაბრუნდებიან.