"ნაციონალური მოძრაობისა" და მათი აქტივისტების მიერ ორგანიზებული საპროტესტო აქციები დასრულდა.
11:00 საათიდან სამთავრობო უწყებებთან ხმაური იყო. ოპოზიციამ იუსტიციის სამინისტროსთან, სუს-თან და ჯანდაცვის სამინისტროსთან საპროტესტო საპროტესტო აქციები გამართა. აქციაზე მყოფი პირები ითხოვდნენ აღნიშნული უწყებების ხელმძღვნელებთან შეხვედრას და მიხეილ სააკაშვილის სამოქალაქო კლინიკაში გადაყვანას.
შსს-ს ცნობით, სუს-თან და ჯანდაცვის სამინისტროსთან გამართულ აქციებზე 46 პირი დააკავეს.
როგორც საპატრულო პოლიციის უფროსმა ვაჟა სირაძემ ჟურნალისტებთან განაცხადა, მათ ადმინისტრაციულ სამართალდარღვევას, პოლიციის კანონიერი მოთხოვნისადმი დაუმორჩილებლობას, პოლიციისთვის შეურაცხყოფის მიყენებისა და წვრილმან ხულიგნობას ედავებიან.