საქართველოში კორონავირუსის პანდემიის გამო დაწესებული შეზღუდვების მოხსნა ეპიდემიოლოგიური ვითარების შესაბამისად გრძელდება.
,,ეპიდემიოლოგიური მდგომარეობიდან გამომდინარე, შეგვიძლია რამდენიმე ეტაპი დავაჩქაროთ, გარკვეული ნაბიჯები გახსნასთან დაკავშირებული ცოტა ადრე გადავდგათ", - განაცხადა მთავრობის დღევანდელ სხდომაზე პრემიერ-მინისტრმა გიორგი გახარიამ.
მთავრობის მეთაურმა იმ შეზღუდვების შესახებ დაანონსა, რომელიც ქვეყანაში მომავალ კვირას მოიხსნება.
კერძოდ, 18 მაისიდან:
გაიხსნება სილამაზის სალონები და ესთეტიკური მედიცინის ცენტრები
დახურულ და ღია სივრცეებში სამი ადამიანის შეკრების შეზღუდვა იხსნება
რაც შეეხება შეზღუდვების მოხსნის შემდეგ ეტაპს:
15 ივნისიდან საქართველო გაიხსნება ადგილობრივი ტურიზმის სერვისების მიწოდებისთვის
1 ივლისიდან საქართველო მზად იქნება უცხოელი ტურისტების მისაღებად.