აჭარის რეგიონში კორონავირუსის 6 ახალი შემთხვევა დადასტურდა. როგორც აჭარის ჯანდაცვის მინისტრის მოადგილემ, ნინო ნიჟარაძემ ჟურნალისტებს განუცხადა, ექვსივე შემთხვევა ე.წ. ქობულეთის კლასტერის კონტაქტებს უკავშირდება.
მისივე თქმით, ე.წ. ქობულეთის კლასტერთან დაკავშირებული კონტაქტების მოძიება გრძელდება და ამ დროისათვის 40 კონტაქტია მოძიებული.
ამ დროისთვის, აჭარაში კორონავირუსის 20 დადასტურებული შემთხვევაა.
შეგახსენებთ, საქართველოში კორონავირუსით დაინფიცირებულთა რიცხვი 230-მდე გაიზარდა.
ამ დროისათვის, გამოჯანმრთელებულია 52 ადამიანი.
ქვეყანაში კორონავირუსით 3 ადამიანია გარდაცვლილი.