ახალციხე-ადიგენის გზაზე მომხდარი ავარიის შედეგად აბასთუმანში მცხოვრები და-ძმა გარდაიცვალა. მათი დედა კი მძიმედ დაშავდა.
როგორც report.ge-ს ადგილობრივებმა უთხრეს, მსუბუქი ავტომობილის საჭესთან, რომელიც სატვირთოს შეეჯახა, 21 წლის ბიჭი იჯდა, რომელიც სამხედრო პირი იყო.
ავარიის შედეგად გარდაიცვალა მისი და- 26 წლის ქალი.
ახალგაზრდების დედა, რომელიც დაშავდა, კლინიკა ,,იმედში" გადაიყვანეს.
თუმცა, არსებული ინფორმაციით, მისი მდგომარეობა მძიმეა და პაციენტს თბილისში, რეანომობილით გადაიყვანენ.
შინაგან საქმეთა სამინისტრომ მომხდარ ფაქტზე გამოძიება დაიწყო.